Matigdas ang panibag-o nga paandam nga ginbuy-an ni US President Donald Trump kun maglampas na ang deadline nga iya ginhatag sa Iran.
Pahayag sini, mapatay ang bilog nga sibilisasyon sang Iran kag indi na mahimo mabalik. Dugang pa sini, indi man niya ini luyag matabo, apang daw matabo gid kun wala sang negosasyon nga matigayon.
“A whole civilization will die tonight, never to be brought back again. I don’t want that to happen, but it probably will,” suno sa latest post sang presidente sa Truth Social.
Dugang sini: “We will find out tonight, one of the most important moments in the long and complex history of the World.”
“However, now that we have Complete and Total Regime Change, where different, smarter, and less radicalized minds prevail, maybe something revolutionarily wonderful can happen, WHO KNOWS?” sugpon pa sa post sang presidente.
“We will find out tonight, one of the most important moments in the long and complex history of the World.”
Una na ini nagsiling sa briefing sa White House nga pinal na ang Martes sang gab-i nga iya ginhatag nga deadline agud nga makig-negosyar ang Iran. Alas singko sa hapon ang oras sa Tehran as of this writing.
Pahayag pa una ni Trump, kun wala sang negosasyon nga matabo, sa sulod sang apat ka oras, gub-on sang US ang mga taytay kag power plant sang amo nga nasyon.
Ginhatag sini nga ehemplo ang B-1 Bridge nga amo ang pinakamataas nga taytay sa Middle East nga nahamtang sa Iran nga ila ginbombahan sang damlag lang bangud suno sa iya wala nagsugot ang Tehran sa deal.
Antes ang deadline nga Martes sang gab-i, ginbombahan na sang US ang military targets sa Kharg Island sa Iran. Sa amo nga isla nagaagi ang 90% sang oil exports sang amo nga pungsod.
Nahibaluan nga ginbalabagan sang Iran ang paglabay sang mga barko sa Strait of Hormuz halin ang nag-umpisa ang gyera batok sa US kag Israel sang Pebrero 28. Bangud sa amo nga tikang sang Tehran, nagpanglakaak ang presyo sang langis sa kalibutan.
Mangin sa Easter, nagapamuyayaw si Trump kag nagpaandam nga itapok sa impierno ang Iran kun indi pa pagbuksan ang amo nga Strait. Post sini anay: “Open the F*ckin’ Strait, you crazy bastards, or you’ll be living in Hell!”
Sa conference sa White House sini lang nga Lunes, nagsiling si Trump nga agud mauntat na ang ila atake sa Iran, dapat magsugot ang Tehran sa “deal that’s acceptable to me, and part of that deal is going to be, we want free traffic of oil and everything else.” #
