Pareho nga nagnubo ang trust and performance ratings nanday President Ferdinand ”Bongbong” Marcos Jr. kag Vice President Sara Duterte sandig sa latest survey results sang OCTA Research.
Ini nga survey ang ginpatigayon sang Marso 24-27 subong nga tuig kun sa diin 69% ang trust rating kay Marcos nga anum ka porsyento nga mas manubo sa 75% sini nga nakuha sa amo man nga survey sang Disyembre 2023.
Yara sa 10% sang adult Filipinos ang nagsiling nga wala sila sang salig sa presidente samtang 21% naman ang undecided.
68% naman ang nagasalig kay Duterte nga nuebe porsyento nga mas manubo ipaanggid sa 77% trust rating sini sang December 2023 survey.
Ginabanta 13% sang adults ang wala nanamian sa trabaho sini samtang 24% naman ang undecided.
Ini nga nationwide survey ang gin-conduct paagi sa face-to-face interviews sa 1,200 respondents. May yara ini sang ±3% margin of error sa 95% confidence level kag ±6% para sa regional breakdowns.
