Gin-anunsyo sang United Arab Emirates (UAE) ang pagpain sang $544 million ukon P31.43-billion nga pondo agud kay-uhon ang mga mga balay nga naguba kasunod sang lapnagon kag maragtason nga pagbaha sang nagligad nga semana.
Suno kay Prime Minister Sheikh Mohammed bin Rashid al-Maktoum, naistoryahan ini kadungan sang cabinet meeting.
Natun-an man pahayag niya ang daku nga leksyon kasunod sang pagbubo sang amo kabaskog nga ulan nga tumalagsahon para sa isa ka disyerto nga nasyon.
Nagmandu man ang central bank sa mga lenders kag insurers nga ipaiway anay ang pagpanukot sa sulod sang anum ka bulan bangud nga naga-recover pa lamang ang mga residente sa epekto sang baha.
Ang amo nga pag-ulan sang nagligad nga semana amo ang pinakamabaskog sa sulod sang 75 ka tuig nga nagbilin sang apat ka mga patay kun sa diin isa ang Emirati kag tatlo ang Pilipino.
