Ginpaandaman sang otoridad ang mga tawo sa Ukraine nga indi magtambong sa church services bangud sang ginapahayag “terrorist attacks” nga himuon sang Russia sa mga simbahan.
Suno kay Ukrainian deputy prime minister Iryna Vereshchuk kag sa Luhansk regional military administration, dapat nga likawan ini nga dalagku nga mga pagtilipon ilabi na ang Orthodox Christmas services.
Wala sang ebidensya nga ginhatag nga matuod ang amo nga claims.
Ini nga paandam ang kasunod sang pag-anunsyo ni Russian President Vladimir Putin sang 36-hour temporary ceasefire nga kadungan sang Orthodox Christmas.
Wala nag-ugyon ang Ukraine sa amo nga ceasefire kag gintawag ini nga kabutigan kag isa ka paon.
Mangin ang Estados Unidos ang nagapati man nga isa ka cynical ploy ang ceasefire nga gin-anunsyo sang Moscow.
Nagapati si Ukrainian President Volodymyr Zelensky nga ginagamit ni Putin ang Orthodox Christmas holiday bilang “cover” agud mag-suplay liwat sang armas kag agud nga mabalabagan ang pwersa sang Ukraine nga mag-abanse sa eastern Donbas region. ##
