Magasugod na ang Land Transportation Franchising and Regulatory Board (LTFRB) sa pagpangdakop sa mga jeep nga wala gihapon nag-comply sa franchise consolidation requirement para sa Public Utility Vehicle Modernization Program (PUVMP).
Suno kay LTFRB Chairman Teofilo Guadiz III, nagtakop na ang 15-ka adlaw nga grace period halin sang gintalana nga deadline sang Abril 30 rason nga makonsiderar na nga colorum ang masobra 10,000 jeepney units nga wala nagtuman.
“We can now flag down and we can apprehend drivers or vehicles because the grace period we had given them had already lapsed, so that those that were unconsolidated can no longer travel,” suno sa opisyal.
Pahayag pa sini, nakapaguwa pa ang talatapan sang show cause orders sa unconsolidated operators kag drivers kag iban sa ila ang wala nagsabat ukon nagpadayon sa pagpamatok sa programa.
“Halos lahat napadalhan na since May 2. Namo-monitor naman namin ang pagtanggap nila ng show-cause order,” pahayag pa sini.
Mahimo maka-pangatubang ang drivers sang isa ka tuig nga suspension sang ila lisensya kag dagdagan sang P50,000 nga penalidad kag 30 ka adlaw man nga i-impound ang ila salakyan kun madakpan nga naga-operate bilang colorum.
Naghingyo man ang opisina sa mga consolidated units nga ipaskil ang ila nga mga dokumento sa windshields para mas mahapos ang identification sang otoridad. #
