ILOILO CITY- Buksan na sa mga motorista ang Ungka flyover, bwas, Septyembre 22.
Sa interview sang Bombo Radyo kay Engr. Sanny Boy Oropel,director sang Department of Public Works and Highways Region 6, iya ginpahayag nga subong nga adlaw, may patigayunon anay nga pagpangtakod sang mga bollards kag mga signages.
Suno kay Oropel, magabulig man ang contractor nga International Builders Corporation sa preparasyon.
Pahayag ni Oropel, bukas ang flyover umpisa las-sais tubtob las-nueve sa aga kag las-kwatro sa hapon tubtob las-otso sa gab-i.
Nahibaluan nga una nga ginkasugtan nga buksan ini las-singko sa kaagahon apang naghingyo ang Pavia Traffic Management Office nga i-adjust ini kag himuon nga las-sais.
