Gin-akusaran ni Presidente Rodrigo Duterte ang University of the Philippines (UP) nga nagarecruit sang mga kabataan agud magsulod sa communist groups.
Ini ang reaksyon sang presidente kasunod sang academic strike nga ginapanawagan sang mga estudyante sang Ateneo de Manila University (ADMU).
Sa iya public address, una nga ginmensyonar ni Presidential Spokesperson ang natuhoy sa academic strike.
“Sir, ‘yung mga estudyante po na loko-loko na ayaw pumasok, nagpo-protesta, hindi raw sila magsu-submit ng academic requirements hanggang hindi natutulungan ang mga biktima ng typhoon,” pahayag ni Roque.
Sabat naman sang presidente, indi dapat magkabalaka ang mga kabataan bangud sa typhoon response.
“You are taking the cudgels of the poor ahead of your time. That is not your worry, that is the worry of government. Kami, sabi ko nagta-trabaho kami (I said, we are working).”
Kasunod sini, nagpahayag ang presidente nga mas maayo nga mag-“stop schooling” ang mga estudyante agud maka- “save money” para sa ila ginikanan.
Diri na kag ginsal-ot ni Duterte ang iya nga sentimento sa UP.
“Walang ginawa itong ano kung ‘di mag-recruit ng komunista diyan. Tapos nag-aaral kayo, ang gusto ninyong binibira ang gobyerno. Masyado naman nakasuwerte kayo.”
Nagpamahog man ang presidente nga untaton niya ang paghatag sang pondo sa amo nga unibersidad.
“UP, fine, maghinto kayo ng aral (stop school), I will stop the funding.”
Kun matandaan, ATENEANS ukon mga estudyante sang Ateneo de Manila University kag indi mga taga-UP ang nagapanawagan sang academic strike.
Ang academic strike nga ginapanawagan ang isa ka protesta sa “criminally neglectful” typhoon and pandemic response sang gobyerno.
