Ginsentensyahan sang bilog nga kabuhi nga pagka-preso ang isa ka 78-anyos nga American citizen bangud sa ginpahayag nga pagpang-espiya.
Ini nga American citizen amo si John Shing-wan Leung nga permanent resident sang Hong Kong apang isa man ka United States passport holder.
Gindakop si Leung sang counterintelligence agency sa southeastern city sang Suzhou kag ginpreso halin sang Abril 2021.
Sini lang nga semana, ginpapanaog sang Intermediate People’s Court sa Suzhou ang sentensya sa amo nga lalaki.
Suno sa korte, ginpamatbatan nga guilty si Leung sa pagpang-espiya gani bilog kabuhi ini nga mapreso kag indi mahimo magamit ang iya nga political rights.
