ILOILO CITY – Nahisugtan sang Japan Coast Guard, United States Coast Guard, kag sang Philippine Coast Guard ang importansya sang pagpatigayon sang periodical exercises agud nga masiguro ang stability kag security sa Indo-Pacific region.
Suno sa Embassy of Japan in the Philippines, sa ginpatigayon nga trilateral working-level meeting, nahisugtan sang tatlo ka mga ahensya nga padayunon ang trilateral efforts sa human resource development, pag-highlight sang importansya sang joint training.
Ginpahayag pa sa embassy, ang mga ahensya ang naghisugot man sa closer information exchange kag ginkumpirma ang padayon nga koordinasyon para sa expanded cooperation sa nagkalain-lain nga patag.
Ginpasalamatan man sang Philippine Coast Guard ang kooperasyon sang Japan kag Estados Unidos sa paglugdang sang MT Princess Empress sa Mindoro nga nagresulta sang oil spill.
Bilang balik, ang coast guards sang duha ka mga pungsod ang nagpahayag sang pagpanghanda sa paghatag sang suporta kag kagustuhan nga magkooperar sa kaangay nga hitabo sa pila ka adlaw.
Ang tatlo ka mga ahensya ang magapatigayon sang trilateral maritime exercises sumugod Hunyo 5 tubtob Hunyo 7 agud nga mapabaskog ang interoperability sang ahensya.
