Ginsuguran na sang armed forces sang United States kag Pilipinas ang large-scale joint exercises sa pila ka lugar sa pungsod kalakip na ang porsyon nga nagaatubang sa Taiwan kag South China Sea.
Ang drills nga magalawig tubtob sa Oktubre 25 ang kasunod sang ginpatigayon sang China nga war games sa palibot sang Taiwan nga ginkondenar naman sang gobyerno sang Taipei kag US.
Ang military exercises maga- involve sang masobra sa 2,000 American troops kag Filipino nga mga suldado kag personnel kag magalakip sang island-based exercises sa amphibious landings, live fire kag humanitarian assistance.
Magapakigbahin man ang Australia, Britain, Japan kag South Korea sa exercises.
Ang armed forces drills ang gintawag nga KAMANDAG ukon Kaagapay ng Mga Mandirigma ng Dagat.
Nahibaluan nga ang Pilipinas kag US ang may yara sang pito na ka dekada nga Mutual Defense Treaty kag regular man ang pagpatigayon sang joint exercises sa sulod na sang pila ka dekada.
