Ginhangkat ni Palace Press Officer Undersecretary Atty. Claire Castro ang mga Pilipino abroad sa Canada nga nag-harass sa iya nga magpasaka sang mga panumbungon sa Ombudsman kag Department of Justice kun may ara ang mga ini sang ebidensya batok sa administrasyon.
Ini matapos ginkadtuan sya mismo sang mga Filipino protesters kun sa diin ang naratibo sang mga ini ang nagahambal sang “magnanakaw”, “maleta”, kag “BBM, resign!”
Suno sa iya, wala dapat nagpakita sang kaangay nga gawi ang mga Pilipino ilabi na sa sagwa sang pungsod kag dapat lang sang mga ini ipabutyag ang ila pagpamalangga sa Pilipinas.
Ginpakigbahin man niya nga normal lang sa kada pungsod nga may ara sang ginapatigayon nga mga rally, apang dapat may ara ang mga ini sang basehan ukon nagakaigo nga mga ebidensya.
