ILOILO CITY- Nagpangayo sang pasaylo ang Vallacar Transit, Inc. sa mga indibidwal nga naulamid sa aksidente sa Igbucagay, Hamtic, Antique nga nagresulta sa kamatayon sang madamo nga mga pasahero.
Sa ginpagwa nga pahayag sang bus company, nagapalab-ot man sila sang pag-unong sa pamilya sang mga napatay.
Suno pa sa kompaniya, padulong sa Culasi ang bus nagikan sa syudad sang Iloilo sang natabo ang aksidente sakay ang 27 ka mga pasahero lakip na ang driver, konduktor kag inspector.
[TRIGGER WARNING: GRAPHIC CONTENT]
Gin-report na sang kompaniya ang insidente sa Land Transportation and Franchising Regulatory Board kag nagpasalig nga nakahanda nga magkooperar sa ano man nga imbestigasyon.
Pahayag pa sang Vallacar, ginsuspend na ang tanan nga operasyon sang 12 ka mga nabilin nga unit sa idalom sang franchise kun sa diin nalakip man ang na-aksidente nga bus.
Magahatag naman sila sang final assistance sa mga pasahero kag sa ila pamilya kag sabton ang medical kag burial expenses.
