Gin-athag sang Armed Forces of the Philippines (AFP) nga indi bag-o nga unit ang Vice Presidential Security and Protection Group (VPSPG) nga gin-activate sang nagligad nga semana — pila ka adlaw antes ang opisyal nga pagpungko sa pwesto ni presidential daughter kag vice president-elect Sara Duterte-Carpio.
Suno kay AFP Public Affairs Office chief Col. Jorry Baclor, ini nga detachment ang makabig nga “improved version” sang vice presidential security protection detail sang mga vice presidents halin pa sang tion ni late former vice president Salvador Doy Laurel.
Gin-pangalanan lang ini liwat suno sa AFP, ginpasangkad, kag gin-aprubahan sang Department of National Defense (DND).
Gin-athag man sang militar nga ang VPSPG kag ang predecessor sini nga Vice Presidential Security Detachment ang indi kabahin — kag wala nangin kabahin — sang Presidential Security Group (PSG).
Ginpahayag man sang AFP nga bangud presidential daughter gihapon subong si Sara kag nadala pa sa ginprotektahan sang PSG, masal-an kun kaisa nga ginhatagan gid ang vice president-elect sang bag-o nga security group.
Matandaan nga sang Sabado, gin-anunsyo sang AFP nga pangunahan ni Lt. Col. Rene Giroy bilang first group commander ang VPSPG.
Ini nga unit amo ang magatutok sa paghatag proteksyon sa bise-presidente kag sa iya nga pamilya.
