Patay ang isa ka volunteer teacher kag isa ka suldado sa ambush sa Malabang, Lanao del Sur.
Ang isa sa napatay amo si Hapipa Saripada Macadato, 23-anyos nga isa ka volunteer teacher sa idalom sang Bangsamoro Ministry of Basic, Higher, and Technical Education (MBHTE).
Ang napatay nga suldado amo si Cpl. Jayson Castro.
Suno sa imbestigasyon, sakay sa pickup truck ang suldado sang ginpaulanan sang bala sang mga armado nga lalaki.
Pabalik na sa kampo ang grupo sang mga suldado kag miyembro sang Civilian Armed Force Geographical Unit Active Auxiliary (CAFGU-CAA) matapos ang security operation sang natabo ang ambush.
Nadalahig lang si Macadato nga natabuan nga yara sa lugar sang natabo ang insidente.
Padayon pa ang imbestigasyon sang otoridad angot sa natabo.
