Luyag nga pa imbestigahan ni Commissioner Manuelito Luna sang Presidential Anti-Crime Commission si Vice President Leni Robredo sa National Bureau of Investigation bangud sa ginapahayag pagpakigkompetensya niya sa goberyno sa paghatag sang bulig sa mga apektado sang COVID-19.
Suno kay Luna, ilegal ang pagpangayo ni Robredo sang donasyon sa pribado nga sektor bangud may yara na sang pondo nga natalana ang national government para sa pagpanghatag sang bulig sa mga apektado sang pandemic.
Lakip na diri ang paghatag ni Robredo sang libre nga shuttle service, domitory para sa mga health workers kag mga personal protective equipments sa mga ospital.
Suno naman sa kampo sang bise presidente ginatungdan lang niya ang iya nga katungdanan sa mga pumuluyo kag indi niya luyag nga magpa indis-indis sa national government.
Nahibaluan nga sa bulig sang pribado nga sektor, nagdangat sa halos P40 milyon ang natipon sang opisina ni Robredo para sa mga COVID-19 frontliners.
