Gin-athag sang Land Transportation Franchising and Regulatory Board (LTFRB) nga wala sang ipatuman nga pagsaka sa plete sa mga jeep apisar pa ginaimplementar na ang public utility vehicles (PUV) modernization program.
Suno kay LTFRB Chairperson Teofilo Guadiz III, madamo pa sang factors kaangay sang inflation kag presyo sang gatong ang dapat nga ikonsiderar antes ipatuman ang fare hike.
“There is no basis to implement fare hikes for public utility vehicles (PUVs)… Several factors, such as inflation and cost of fuel, must be considered before the agency approves a new fare increase,” suno kay Guadiz.
Una na nga ginpahayag sang Department of Transportation (DOTr) nga ang mga operators kag drivers ang pahibaluon man kun ang ila nga prangkisa ang iga-revoke isa ukon duha ka semana kasunod sang April 30 consolidation deadline.
Naghingyo man ang ahensya sa unconsolidated operators kag drivers nga mag-untat na sa operasyon bangud wala na sang prangkisa kag makabig na nga colorum.
Una na nga ginpahayag sang gobyerno nga pinal na nga plaso ang Abril 30 para sa PUVMP franchise consolidation kag indi na ini pagpalawigon pa.#
