Isahanon lamang ang Golden State Warriors nga wala sang naangkon nga kalutusan antes nagtakop ang preseason sa National Basketball Association (NBA) subong nga tuig.
Katapusan nga gin-atubang sang Warriors ang Los Angeles Lakers kun sa diin ginkamasaan gid sini ang team sa score nga 132-74 sa hampang sa Chase Center sa San Francisco, California, USA.
6-0 ang record nanday Stephen Curry sa sini nga preseason matapos ginlutos ang Los Angeles Clippers, Sacramento Kings (duha ka beses), Detroit Pistons kag Los Angeles Lakers (duha ka beses).
Sang 2022 nga katapusan nila nahimo ang amo sini nga record, nadag-an nila ang championship title sa sa regular season.
Apang santo sa inisyal nga reports, may tatlo ka players nga i-waive ang Golden State.
Nagaguwa ang mga pangalan nanday Kevin Knox, Blake Hinson, kag Jackson Rowe.
Nahibaluan nga sa kada pagtakop sang NBA preseason, ginahimo na sang teams ang ila desisyon sa pinal nila nga roster para sa pagbukas sang regular season sa masunod nga semana. Lakip diri ang pag-waive sa players sa training camp deals nga wala nakalab-ot sa standard roster.#
