ILOILO – Preparado ang Western Visayas kun may magluntad nga kalamidad ilabi na ang linog.
Sa interview sang Bombo Radyo kay Office of the Civil Defense 6 Regional Director Jose Roberto Nuñez, iya ginpahayag nga maayo ang nangin sabat sang pumuluyo kag concerned agencies sa mga ginapatigayon nga drills apang kinahanglan sa gihapon nga madugangan ang equipment kag training sa Search and Rescue Operations
Suno kay Nuñez, importante ang pagpatigayon sang earth drills bangud paagi diri mapahangop sa pumuluyo kun ano ang mahimo nila sa tion nga may magluntad nga linog.
Ginpahayag ni Nuñez nga nagakadapat man nga magpasa sang action plan ang mga Local Government ilabi na sa mga high urbanized areas kasubong sa syudad sang Iloilo.
Nagpaathag naman si Nuñez sa local officials nga handa ang Office of the Civil Defense sa paghiwat sang libre nga training.
