Nagdangat na sa halos 50 ka tawo ang napatay sa Estados Unidos sang Amerika bangud sa major winter storm nga natabo sang Paskuwa.
Ginapahayag nga magapadayon pa ang freezing conditions subong nga semana kag ginakahangaw-an nga magasaka pa ang numero sang mga patay bangud sang na-trap nga mga residente sa ila nga balay kag bangud wala sang suplay sang kuryente sa linibo ka mga puluy-an kag establisyemento.
Hardest-hit subong ang Western New York state malapit sa syudad sang Buffalo kun sa diin ma-eksperyensyahan ang 43 inches sang snow sa sulod sang 48 oras kag zero-visibility blizzard nga may yara man sang kabaskugon sang hangin nga daw hurricane ang pwersa.
Sa amo nga lugar, nagkala-stuck pati ang emergency kag recovery vehicles nga ginpadala kuntani bilang rescue.
11 ka mga gin-abandonar nga mga ambulansya ang natigayon nga nakutkutan gikan sa nagasampaw-sampaw nga yelo kahapon.
Ang winter storm nga natabo sang weekend amo ang ginakabig sang kadam-an nga “the Blizzard of 2022” kag “the blizzard of the century.” ##
