Gin-athag ni Department of Labor and Employment Sec. Silvestre Bello III nga nagakadapat nga aprubado sang empleyado kag employer ang pagpatuman sang work from home arrangement.
Madumduman nga isa ang work from home arrangement sa ginaduso sang Department of Labor and Employment nga solusyon sa tion nga maglala ang sitwasyon sang Coronavirus Disease 2019 (COVID-19) sa Pilipinas kag maapektuhan ang sektor sang mamumugon.
Suno kay Bello, nagakadapat nga may consensus sang duha ka partido ang nasambit nga kasugtanan kag indi mandatory ang ginpagwa nga abiso may kaangtanan sa flexible working arrangement.
Ang work from home arrangement ang applicable lang sa clerical jobs ukon mga sahi sang trabaho nga mahimo ubrahon apisar nga wala sa opisina.
