Ginsuguran sang Argentina ang pagdepensa sang ila titulo sa FIFA World Cup 2026 paagi sa dominant 3-0 win batok sa Algeria sa group match subong nga adlaw sa Kansas City, USA.
Tatlo sa goals sang reigning champions ang lunsay nahimo sang 38-anyos nila nga captain nga si Lionel Messi sa ika-17, ika-60, kag ika-76 nga minuto sang hampang.
16 ka goals na ang nahimo ni Messi sa bug-os sini nga partisipasyon sa World Cup kag patas na kay Miroslav Klose sang Germany bilang all-time leading scorer sa men’s World Cup history.
Hunyo 16, 2026 pa lamang subong sa Kansas City kun sa diin nagahampang ang Group J — eksakto 20 ka tuig halin sang debut ni Messi sa World Cup sang Hunyo 16, 2006 sang naka-goal man ini batok sa Serbia.
Sunod nga atubangon sang Argentina ang Austria sa MetLife Stadium sa Martes, Hunyo 23, 1:00 sa kaagahon oras sa Pilipinas. Pagkatapos, makasambuwa nila ang Jordan sa Arlington, Texas sa Domingo, Hunyo 28, 10:00 sa aga.#
