Nagaplano si Chinese President Xi Jinping nga personal nga magpadulong sa Russia sa masunod nga semana agud makit-an kag maistorya ang iya counterpart nga si Russian President Vladimir Putin.
Wala sang sabat ang foreign ministry sang Beijing kun san-o ang pag-atubangay sang duha ka dalagku nga lider kag nagpamalibad man ang Kremlin nga mag-anunsyo sini.
Matandaan nga sang nagligad nga bulan, gin-abi abi man ni Putin sa Russia ang top diplomat sang China nga si Wang Yi.
Matandaan nga may yara sang “no limits” partnership ang Russia kag China sang February 2022 sang nagbisita si Putin sa Beijing para sa pagbukas sang Winter Olympics kag sinemana lang antes ang pag-umpisa sang Russian invasion sa Ukraine.
Sa kabug-usan, 39 ka beses na nga nagkit-anay ang duha ka lider halin sang nangin presidente si Xi.
Nagpaandam naman ang Britanya sang nagadalom pa nga partnership sa tunga sang duha ka pungsod kag sa ginapahayag kooperasyon sang Iran sa Russia sa ginahimo sini nga invasion sa Ukraine. ##
