ILOILO CITY- Nagpabutyag sang iya hibubun-ot ang young singer nga si Sheena Palad nga amo ang nagbulos sa batikan nga aktres nga si Eva Darren sa pag- present sa isa ka award kaupod si Tirso Cruz III sa bag-o lang natapos nga Filipino Academy of Movie Arts and Sciences Awards (FAMAS).
Sa facebook post ni Sheena, ginsiling sini nga nakabaton siya sang mga pagpang-harras bangud sa insidente.
Suno pa sa iya, nasakitan siya nga madamo ang nag-judge sa iya bangud sa natabo nga wala man niya ginhungod kag wala man siya sang ihibalo.
Suno naman sa boyfriend sini, naka- standby lamang si Sheena para sa isa ka prod number sang ginhambalan ini nga mag-present upod kay Tirso Cruz III.
Kasunod sang insidente, nagpangayo sang pasaylo ang FAMAS kay Eva Darren bangud sa natabo nga ginbaton naman sang kampo sang veteran actress.
