Liwat nga naghingyo si Ukrainian President Volodymyr Zelensky sa Kongreso sa Estados Unidos sang Amerika nga aprubahan na ang dugang nga ayuda para sa Ukraine bangud posible nga mas madamo pa ang mapatay kun indi mag-abot ang bulig.
“Will Ukraine survive without Congress’ support? Of course. But not all of us,” suno kay Zelensky.
Ang pahayag sang presidente ang kasunod sang nagakatabo sa US kun sa diin ginapunggan sang Republican lawmakers ang House of Representatives nga aprubahan ang $60 billion ukon P3.4-trillion nga bulig sa Ukraine.
Nagpaandam man ang Ukrainian leader nga mas mahapos na ang pagbulig sa Kyiv ipaanggid sa pagkumpronta kay Russian President Vladimir Putin pananglitan magmadinalag-on ini sa pag-atake sa bug-os nga Ukraine.
Nahibaluan nga ang USA amo ang pinakadaku nga nagadonar sa Ukraine — partikular sa military aid — halin sang nag-atake ang militar sang Russia, apang subong nahubas na ang existing fund.
Magluwas diri, si anay US President Donald Trump naman nga amo ang posible nga Republican nominee sa presidential elections sa Nobyembre ang nagapamatok sa pagbulig sa Kyiv. #
(Photo: Britannica)
