ILOILO CITY-Nakarecord man sang isa ka casualty ang probinsya sang Iloilo bangud sang Bagyo Paeng.
Ini matapos nasapwan ang bangkay sang isa ka babaye sa higad sang suba sa Brgy. Guibongan Bayunan.
Ang biktima amo si Genevieve Nacion, ginabanta nga 20+ ang edad,residente sang Brgy. Ginot-an sa amo nga banwa.
Sa interview sang Bombo Radyo kay Mr. Kenneth Lacerna, pinuno sang PDRRMO San Joaquin, iya ginpahayag nga ang biktima may yara sang special needs.
Suno kay Lacerna, kahapon sang nagbiya sa ila balay ang biktima apang wala na ini nakabalik sa ila kag ginapatihan nga naanod sa suba.
