ILOILO CITY – Isa ka 1 year-old baby ang nasapwan nga nagahibi sa sulod sang old cemetery sa Arevalo, Iloilo City.
Sa interview sang Bombo Radyo kay Police Staff Sergeant Rolenda Jalando-on sang Women’s and Children’s Protection Desk sang Arevalo Police Station, iya ginpahayag nga may isa ka grupo sang concerned citizen nga amo ang nakakita sa lapsag kag nag turn-over sa ila.
Suno kay Jalando-on, hubog ang iloy sang lapsag sang ila nga nakita kag nakuhaan sang pahayag.
Sa pihak sini, ginpahayag ni Jalando-on nga indi niya makumpirma kun bala may yara sang deperensya sa panghuna-huna ang iloy.
Igatugyan naman nila suno kay Jalando-on sa Department of Social Welfare and Development ang pagkustodiya sa lapsag samtang ginapaidalom sa evaluation ang iloy.
Suno naman sa amay, indi sila kasal sang iloy sang lapsag.
Ginpahayag sang amay, masami nga nagapadulong kag nagapahubog sa patyo ang iya live-in partner kag mahimo nga napabay-an ang lapsag.
Ginapahayag nga may yara man sang ka-relasyon ang iloy nga amo ang iya masami nga ginapadulongan sa patyo.
Ginpahayag naman sang natungdan nga may yara sang deperensya sa panghuna-huna ang live-in partner matapos nabughat.
