ILOILO – Nagdangat na sa 1090 ang mga kapulisan nga napaidalom sa drug test nga ginpatigayon sang Police Regional 6 bilang kabahin sa gihapon sang ila nga internal cleansing.
Sa 1090 nga nagpaidalom sa drug test, 89 diri ang nagikan sa Aklan, 70 sa Antique, 60 sa Capiz, Guimaras 56, Iloilo 171, Iloilo City 90, Bacolod City 63, Negros Occidental 193, Regional Mobile Force Battalion 50 kag 248 ang nagikan sa Regional Headquarters.
Sa interview sang Bombo Radyo kay Pol Lt Col Joem Malong, tagapamaba sang Police Regional Office 6 iya ginpahayag nga may sa 25% nga target sang PRO6 subong nga first quarter sang tuig may yara pa sang 2,000 ka mga kapulisan ang wala pa napaidalom sa drug test.
Suno kay Malong, lunsay nag negatibo ang 1090 ka mga kapulisan nga ginpaidalom sa drug testing nga tuman nga ginkalipay nila sa Police Regional 6.
Dugang sang natungdan, target nila nga matapos ang drug testing sa mga kapulisan sa katapusan nga bulan subong nga tuig.
Santo sa pahayag ni Malong, sa tion nga magpositibo ang isa ka pulis sa drug test mahimo ini nga magapangatubang sang kaso administratibo.
