Patay ang isa ka 11-bulan nga bata kag pilason naman ang duha ka mga babayi matapos ginpangtiro sang armas-luthang sang duha ka wala makilala nga suspek sa isa ka paresan sa Barangay Gregorio, San Pablo City.
Suno sa imbestigasyon sang Police Regional Office Calabarzon (PRO 4A), samtang nagakaon ang mga biktima, isa ka armado nga lalaki ang nagsulod sa kalan-an kag gilayon nga nagbunot sang pusil. Ang testigo nga isa ka 37-anyos nga helper naghambal nga wala sang rason ang insidente.
Ang suspek nagpalagyo sakay sa motorsiklo nga ginamaneho sang iya kaupod padulong sa Maharlika Highway. Pareho sila nga nakasuksok sang itom nga jaket kag pantalon, samtang ang driver may itom nga helmet.
Ginkumpirmar sang kapulisan nga ang 11-bulan nga bata ang naigo sa wala nga kilid kag napatay. Ang 30-anyos nga pares vendor napilasan sa tuo nga abaga kag kamot, samtang ang 56-anyos nga babayi naman ang naigo sa tuo nga batiis.
Gindala ang tatlo sa Panlalawigang Pagamutan ng Laguna, apang gindeklarar sang doktor nga dead-on-arrival ang bata.
Padayon subong ang imbestigasyon kag dragnet operation sang kapulisan agud madakpan ang mga suspek.
