ILOILO – Nagpasundayag sang ila mga talento ang 11 ka mga kandidata sang Miss Iloilo 2020.
Sa interview sang Bombo Radyo kay Atty. Jobert Peñaflorida, presidente sang Iloilo Festivals Foundation Inc., iya ginpahayag nga iya gid nga ginadayaw ang talento nga ginpakita sang mga kandidata kag isa lang ini ka patimaan nga indi lang maanyag ang mga Ilonggo kundi, talentado man.
Suno kay Peñaflorida, gina-agda niya ang tanan nga magtambong sa coronation night sang Miss Iloilo 2020 sa Enero 23 agud masaksihan ang coronation night.
Nahibaluan nga tatlo ka korona nga ginalakipan sang Miss Iloilo 2020, Miss Iloilo-Binibini 2020 kag Miss Iloilo-World 2020 ang nagahulat sa deserving nga Ilongga Beauty Queen.
