ILOILO CITY – Natalana nga mag-abot sa Iloilo subong nga adlaw ang 110 ka mga Ilonggo strandees gikan sa Puerto Princesa Palawan.
Sa interview sang Bombo Radyo kay Gilbert Marin, Provincial Tourism officer iya ginpahayag nga kalabanan sa mga strandess ang nagatrabaho sa mga resort sa Palawan kag naabtan sang pagpatuman sang lockdown.
Suno kay Marin, pagasugaton sang ila tagsa ka mga Local Government Unit ang mga strandees kag pag-abot sa ila mga kabanhawanan gilayon man nga ipaidalom sa home quarantine.
Nahibaluan nga sa nasambit nga numero sang mga stranees, 96 diri ang gikan sa syudad sang Iloilo kag 14 naman ang gikan sa probinsya kag sa mga kabanhawanan kaangay sang Pavia, Balasan, San Dionisio, Miag-ao, Sara, San Miguel, Barotac Viejo, Tubungan, Cabatuan kag lakip man ang gikan sa Passi City.
Dugang pa ni Marin, lauman naman nga magaabot ang panibag-o nga batch sang mga local strandees gikan sa isla sang Boracay subong nga biyernes.
