ILOILO CITY- Padayon pa ang imbestigasyon sang otoridad sa natabo nga pagkawat sa 17 ka mga inugbulang nga manok sa Sta. Rita, Oton, Iloilo.
Sa interview sang Bombo Radyo kay Police Major Fernand Limbungan, hepe sang Oton Municipal Police Station, iya ginpahayag nga base sa inisyal nga imbestigasyon,ginpang-utod ang higot sang mga manok gamit ang kutsilyo ukon ano man nga matalom nga bagay.
Nahibaluan nga nahamtang sa tunga sang talamnan ang kurungan sang mga manok.
May nakit-an man nga natumba nga parte sang kudal nga ginapatihan amo ang gin-agihan sang mga kawatan.
