𝗜𝗟𝗢𝗜𝗟𝗢 𝗖𝗜𝗧𝗬 – Nagapadayon pa ang imbestigasyon sang mga otoridad sa gintunaan sang kamatayon sang 18 anyos nga lalaki sa Barangay Rizal Pala-Pala Zone II, Iloilo City Proper.
Ang biktima amo si Jerico Banecio, tumandok sang Antique kag nagatrabaho bilang kabulig sa isa ka store sa Iloilo Terminal Market.
Sa interview sang Bombo Radyo kay Ging-Ging, kaupod sa trabaho kag balay ni Banecio, iya ginpahayag nga pukawon kuntani niya ang biktima apang wala ini gasabat.
Sang iya ginpalapitan, matig-a na ang lawas sang biktima kag mayami na.
Wala naman sang pilas nga nakita sa lawas sini.
Napalab-ot naman nila sa pamilya ni Banecio ang insidente.
