2 ka Senior High School Students, pilason matapos nagbato sa RDEU sa Mandurriao, Iloilo City

ILOILO CITY–Pilason ang duha ka mga subject sa buy bust operation matapos nagbato sa mga katapo sang Regional Drug Enforcement Unit (RDEU) sa buybust operation sa Brgy. Tabucan, Mandurriao, Iloilo City.
Ang mga suspek ang ginkilala nga sanday Jessije Fama, 18 anyos, estudyante sang Brgy. Sambag, Jaro, Iloilo City kag si Daniel Craig Balmes, 18 anyos kag sang Zarraga, Iloilo.
Sa interview sang Bombo Radyo kay Police Senior Inspector  Kenneth Bermejo, team leader sang RDEU, iya ginpahayag nga natigayun ang transaksyon sa Brgy. Tabucan sa diin nabaklan ang duha sang isa ka ziploc nga naga-unod sang marijuana nga nagabalor sang P1,200.
Gindugang pa ni Bermejo nga ginpalukpan pa ni Pama sang armas luthang ang operatiba rason nga man ang operating team.
Nakuha naman sa lugar ang .45 caliber nga armas ka gang Starrex nga salakyan nga gingamit sang duha.
Pilas naman sa guya ang naangkon ni Balmes samtang pilas sa kilid nga bahin sang lawas ang naangkon ni Fama nga gilayun naman gindala sa Iloilo Doctors Hospital.