ILOILO CITY – Duha ka lalaki ang gindakop matapos nadakpan nga nagapangpuksi sang bulak sa Diversion Road sa Mandurriao, Iloilo City.
Ang mga nadakpan amo sanday RJ Villegas, 28, Brgy. Bolilao, Mandurriao, Iloilo City kag Daniel Soropia, 18, sang Brgy. Divinigracia, La Paz, Iloilo City.
Suno sa mga green guard, gina-usisa pa kun may kaangtanan ang duha sa pagpanggabot sang tanum sa iban pa nga bahin sang syudad.
Nahibaluan nga ini na ang ika-siyam nga insidente tuhoy sa pagpanggabot kag pagpangpuksi sang mga tanum nga ginkaakig naman ni Iloilo City Mayor Jerry Treñas.
Ang duha ka lalaki ang preso sa Mandurriao Police Station.
