ILOILO CITY – Patay ang 22 ka mga tawo matapos ang natabo sunog sa isa ka private illegal nursing home sa Siberian sang Kemerovo sa Russia.
Sa ginpagwa nga video sang emergency services, makita ang malaba nga pila sang mga salakyan sa gwa sang nagakasunog nga building.
Suno sa investigative committee sang Russia nga amo ang nga-imbistigar sang major crimes, ginbuksan ang imbestigasyon sa ginapahayag kamatayon bangud sang kapabayaan.
Magluwas sa mga napatay, ginpahayag sang kapulisan nga anum ang napilasan kun sa diin, duha sa ila ang na-ospital kag delikado ang sitwasyon.
