BAROTAC NUEVO, ILOILO – Tatlo ang arestado bangud sa ginapahayag ‘vote buying’ sa Brgy. Poblacion Ilaya, Barotac Nuevo, Iloilo.
Sa interview sang Bombo Radyo kay Police Captain Kenn Albert Lepsia, hepe sang Barotac Nuevo Municipal Police Station, gindakop sang intelligence operatives sanday Rolly Tolin, Robert Araquel kag Leticia Cataluña nga nakuhaan sang tatlo ka sobre nga may sample ballot, may unod nga P1,000 kag listahan sang mga botante.
Ginpahayag ni Lepsia nga ang tatlo ka sobre ang naghalin sa kampo sang mga Biron kag Garin apang ipaidalom pa ini sa ‘verification’.
Preso sa Barotac Nuevo Municipal Police Station ang tatlo kag natalana nga pasakaan sang kaso nga paglapas sa Omnibus Election Code.
