ILOILO CITY – Ginpangayuan sang paathag ang tatlo ka pulis nga nagmaoy sa sulod sang isa ka disco bar and restaurant sa syudad sang Iloilo.
Suno kay Pol. Lt. Col. Mannan Muarip, pinuno sang Regional Headquarters Support Unit (RHSU), nabaton na nanday Pol. Chief Master Sergeant Jose Dinggal, chief clerk; Pol. Senior Master Sergeant Fernil Mark Mallorca, team leader sentinel kag Pol. Staff Sergeant Ralph Mabuque, sentinel sang RHSU ang memorandum halin sa Regional Investigation and Detection Management Division (RIDMD) sang Hulyo 2.
May yara lamang sang 24 oras ang tatlo ka pulis agud nga makapasa sang sabat.
Sa subong, ginpahayag ni Muarip nga ginadumili-an sa gihapon ang tatlo ka mga pulis nga makasulod sa vicinity sang Police Regional Office (PRO) 6 matapos gin relieved sa pwesto.
