Nagsugod na ang pagpangita sang gobyerno sang lugar nga pahamtangan sang repatriated Filipino cruise ship workers nagikan sa barko nga apektado sang COVID-19 sa Italy kag natalana nga ipaidalom sa quarantine.
Madumduman nga nag-abot sang Sabado ang 370 ka mga Filipino seafarers nga sakay sang tatlo ka cruise ship gikan sa Italy.
Lakip sa ila ang 248 ka crew members sang MV Costa Luminosa nga nagdungka sa Milan kag ang 122 ka mga tripulante sang MV Grandiosa kag MV Opera gikan sa Rome.
Suno kay Department of Foreign Affairs Assistant Secretary Eduardo Meñez, apisar nga wala nakitaan sang simtomas sang COVID-19 ang mga crew members ilabi na ang mga sakay sang barko nga may yara sang pinaka madamo nga kaso sang COVID-19, nagakinahanglan sa gihapon nga magpaidalom sila sa 14 ka adlaw nga quarantine.
