ILOILO CITY – Naglab-ot sa 41 ka sachet sang suspected shabu ang nakuha sa duha ka drug personality nga nadakpan sa buybust operation nga ginpatigayon sa Zone 3, Calaparan, Arevalo, Iloilo City.
Sa interview sang Bombo Radyo kay Police Lt. Paul Vincent Pendon sang Regional Drug Enforcement Unit (RDEU), ang subject sang buybust operation amo si Mark Oliver Tolentino, 38, sang Brgy. Botong, Oton, Iloilo kag nadakpan man si Ronald Sabarillo, 34, sang Zone 3, Calaparan, Arevalo, Iloilo City.
Sa 41 ka mga sachet sang suspected shabu, nalakip na diri ang isa ka sachet nga buybust item, apat ang mga dalagku nga sachet samtang ang mga nabilin naman ang lunsay na magagmay.
Ang mga magagmay nga sachet ang ginabanta nagabili sang P1,000 kada isa samtang P4,000 naman ang bili sang kada dalagku nga sachet.
Santo sa pagpangusisa, ang mga item ang ginadul-ong sa balay ni Sabarillo sang driver nga si ‘certain’ Connie sang Light of Glory taxi.
Magluwas sa shabu, nakuha man sa duha ka drug personality ang P1,000 nga buybust money kag P820 nga kita sang duha sa pagbaligya sang shabu.
