Ginsulong sa balay kag ginluthang-patay sa atubang mismo sang iya nga asawa ang isa ka lalaki sa Barangay Cawayan, Carles, Iloilo.
Ang biktima amo si Ricky Base, 49, residente sang amo nga lugar.
Sa interview sang Bombo Radyo kay Police Master Sergeant Christopher Balaan, imbestigador sang Carles Municipal Police Station, iya ginpahayag nga pito ang igu sang bala sa lawas ni Base lakip na sa tiyan, abaga, kag paa.
Ginapahayag 45 caliber pistol ang gingamit sang wala nakilal-an nga suspek.
Ginaalegar nga motorsiklo ang ginsakyan sang suspek kag may kaupod pa ini sa pagpalagyo.
Indi pa subong maestablisar ang rason sang pagluthang-patay sa biktima.
