Ginahanda na ang kaso nga ipasaka batok sa lima ka mga indibidwal nga nadakpan sang mga pulis nga nagapatigayon sang illegal cockfighting activity sa Barangay Jamog, Tigbauan, Iloilo.
Sa rekord sang Tigbauan Municipal Police Station, nadakpan sa akto sanday Rafael Morbo Jr, 57; Marciano Tagumata, 38; Reynaldo Tagum, 66; Joaquin Umayao, 62; kag Noel Tienda, 48, nga lunsay residente sang banwa sang Tigbauan.
Sa interview sang Bombo Radyo kay Pol. Lt. Mary Jane Panes, hepe sang Tigbauan MPS, iya ginpahayag nga may kaupod pa ang amo nga mga persona apang nakapalagyo sang gin-patigayon ang police operation.
Ginapahayag kapin 50 pa ang nakaeskapo.
Lakip sa nakuha sang otoridad sa lugar kun sa diin ginapatigayon ang iligal nga aktibidad amo ang duha ka patay nga de rasa nga manok, tatlo ka bayong, P1,500 nga pusta, kag iban pa nga magagmay nga items. ##
