𝗜𝗟𝗢𝗜𝗟𝗢 -Naghimo sang maragtas ang isa ka Ilongga nga negosyante matapos nagtabok ini halin sa Iloilo padulong sa Negros Occidental sakay sang standup paddleboard.
Ini amo si Lucy Lynette Ponce-Uygongco, 54.
Sa interview sang Bombo Radyo kay Uygongco, iya ginpahayag nga nag-umpisa ang iya pagkahilig sa pagsakay sa paddleboard sa tion sang pandemya sa diin nakilala sini si Gary Benedicto, isa ka Filipino bemedalled stand up paddleboarder.
Suno kay Uygongco, sang tuig 2022, nagtabok ini halin sa Iloilo padulong sa Guimaras.
Sang Oktubre 19, gintabok naman ni Uygongco ang Iloilo kag Negros Occidental.
Nagsakay ini sa paddleboard halin sa Banate, Iloilo Boulevard padulong sa Pasil Sandbar sa Brgy. Latasan, EB Magalona, Negros Occidental.
Nagalawig naman sang 23.02 km ang kalawigon sang iya pag-paddle.
Nagdangat naman sa 5 ka oras, 27 minutos, kag 6 ka segundos ang iya pagsakay sa paddleboard nga may average speed nga 4.2 km/h.
