Nagapang-agda ang 604th Community Defense Center sang mga kwalipikado nga aspirants agud mangin kabahin sang reservist force sang gobyerno.
Sa interview sang Bombo Radyo kay Col. Michael Asuncion, Director 604th Community Defense Center, iya ginpahayag nga ang recruitment bukas para sa Category One nga naga-edad sang 18 anyos tubtob 35 anyos, samtang sa Category Two naman nga naga-edad sang 36 anyos tubtob 51 anyos.
Suno kay Asuncion, isa sa mga rason sang recruitment amo ang pagpuno sang kakulangan sa pwersa, ilabi na sa tion sang kalamidad kun kinahanglan ang dugang nga bulig.
Dugang pa sini lakip sa mabaton sang isa ka reservist amo ang uniporme, annual duty training nga may allowance, kag oportunidad nga makasulod kag makaguwa sa military camps.
Lakip man sa benepisyo ang posibilidad nga makagamit sang military transport pareho sang C-130 flights, insurance halin sa LGUs, kag allowance halin sa Philippine Army, samtang nagaalagad ilabi na sa tion sang kalamidad.
