ILOILO CITY- Naglab-ot sa P600,000 ang balor sang halit sa nasunog nga balay sa Corner Delgado-Jalandoni Streets, brgy. Villa Anita, Iloilo City Proper.
Ang nasambit nga double-storey nga balay nga nagaserbi man nga boardinghouse ang ginapanag-iyahan ni Leonor Abad Santos.
Sa interview sang Bombo Radyo kay Fire Chief Inspector Christopher Regencia, City Fire Marshall, iya ginpahayag nga posible nga electrical overload ukon short circuit ang gintunaan sang sunog bangud sa nakit-an nga madamo nga wirings sa lugar.
Naghalin ang kalayo sa hulot nga ginaarkilahan ni certain Carlo sa ikaduha nga panalgan.
Wala naman sang nasamaran sa sunog.
