Posible nga madulaan sang trabaho ang ginabanta sa 7,000 ka mga Pilipino bangud sa epekto sang COVID-19.
Suno sa Trade Union Congress of the Philippines, lakip sa mga posible madulaan sang trabaho amo ang yara sa industriya sang airlines, cruise ships, travel agencies kag hotel and restaurants nga nagaka eksperyensya sang kapierdehan bangud sa flight cancellations kag travel restrictions.
Madumduman nga una na nga nagbuhin sang empleyado ang Philippine Airlines sa diin 300 ang nadulaan sang trabaho bangud sa paghinay sang byahe.
Sa pihak sini, nagpasalig ang Department of Labor and Employment nga ginamonitor nila ang mga employer agud mahatagan sang nagakaangay nga kompensasyon ang mga empleyado nga madulaan sang trabaho.
Magapatigayon naman sang hearing ang House Committee on Labor sa masunod nga semana agud istoryahan ang benepisyo kag bulig nga igahatag nila sa mga Pilipino nga madulaan sang trabaho.
