Anum ka party-list groups sa Western Visayas ang opisyal na nga naproklamar sang Commission on Elections (Comelec) nga amo man ang nagapungko nga National Board of Canvassers (NBOC).
Lakip ini sa 55 ka party-list groups nga nagdaog nga naka-secure sang 62 seats sa Kamara.
Nagbaton ang mga nagdaog nga grupo sang certificates of proclamation sa seremonya nga ginpatigayon sa Pasay City kahapon, Mayo 26.
Ang nagikan sa Western Visayas amo ang Uswag Ilonggo kag AAMBIS-OWA nga halin sa Iloilo; COOP-NATCO nga halin sa Antique; kag Abang Lingkod, Malasakit @ Bayanihan, kag P3PWD nga halin sa Negros Occidental kag Bacolod City.
Ini nga mga party-list groups ang lunsay nakadaog sang tag-isa ka seat sa Kamara.
Sa Iloilo: ang first nominee sang Uswag Ilonggo amo si Jojo Ang, samtang ang sa AAMBIS-OWA naman amo si Atty. Lex Colada.
