Patay ang siyam ka mga empleyado sang City Agriculture Office-Engineering Division sa Bayawan City matapos mahulog sa pil-as ang ila ginasakyan nga mini dump truck sa Sitio Urang, Barangay Kalamtukan.
Isa sa mga napatay amo ang lalaki nga estudyante sang College of Industrial Technology (CIT) sa Negros Ori*ntal State University- Bayawan-Sta. Catalina Campus nga assigned sa City Agriculture Office-Engineering Division bilang kabahin sang iya on-the-job training.
Naggwa sa inisyal nga imbestigasyon nga nag-deliver ang dump truck sang fuel para sa mga heavy equipment sang city government.
Sang pabalik na,nadulaan sang preno ang salakyan samtang nagapadulhog kag nahulog sa pil-as nga nagataas sang 50 ka metros.
Bangud sa impact sang pagkahulog nagkalagupi gid kag halos wasak ang salakyan.
Padayon pa ang imbestigasyon sang otoridad sa insidente.
