ILOILO CITY – Gin-convict sang German court ang isa ka 97 anyos nga babayi nga nagtrabaho bilang sekretarya sa Nazi concentration camp bangud nangin accessory sa kamatayon sang masobra sa 10, 000 nga mga tawo.
Sa katapusan nga German trial sa World War Two crimes, si Irmgard Furchner nga gintawag nga “secretary of evil” ang gindagdagan sang two-year suspended sentence bangud sa pagbulig sa Stutthof concentration camp nga mag-function sang World War II.
Si Furchner ang nagtrabaho bilang stenographer sa typist sa Stutthof camp sa Gdansk sa Nazi-occupied Poland humalin sang 1943 tubtob sa katapusan sang Nazi regime sang 1945.
Bangud nga bata pa si Furchner sang tion sang krimen, ang trial ang ginpatigayon sa juvenile court.
Nagpalagyo si Furchner pila ka semana antes ang trial apang nakit-an sang mga otoridad matapos ang pila ka oras.
Suno sa United States Holocaust Memorial Museum, nagdangat sa 10, 000 nga mga tawo ang gin-torture sa Stutthof camp kag masobra sa 60,000 ang napatay sa amo man nga lugar.
