Kinahanglan gid nga ipaguwa ang narco-list bag-o ang midterm elections sa Mayo.
Sa interview sang Bombo Radyo kay National Police Commission (NAPOLCOM) 6 Director Atty. Joseph Celis, iya ginpahayag nga nagakadapat lang nga ipahibalo sa mga pumuluyo kun sanday sin-o nga mga pulitiko ang nagakadapat kag indi dapat pagbotohon sa eleksyon.
Dugang pa ni Celis, kinahanglan nga wala sang elected officials nga naangot sa illegal drugs.
Indi na dapat pag-ibalik suno sa NAPOLCOM Regional Director ang sang una nga pamulitika sa pungsod nga maisog pa ang mga drug lord bangud nga may yara sang mga elected official nga nagahatag sang proteksyon sa ila.
