American fugitive nga nagapangatubang sang kaso nga pornography, arestado sa Iloilo

ILOILO CITY – Gin-aresto sang National Bureau of Investigation (NBI) ang isa ka American national nga wanted sa Estados Unidos.
Ginpahayag ni Mr. John Catipunan, special investigator sang NBI Region 6 sa Bombo Radyo, nga ang naaresto nga suspek ang ginkilala kay Jack Thomas Allen, 55, sang Los Angeles, California.
Sa pagpangusisa sang Bombo Radyo, nadakpan si Allen matapos personal nga nag-apply sang NBI clearance mismo sa talatapan sang ahensya sa Fort San Pedro, Iloilo City.
Si Allen ang nagapangatubang sang kaso nga pornography kay cyber crime.
Temporaryo naman nga ginkustodiya sang NBI ang dumuluong samtang ginahulat pa ang mangin koordinasyon sa US Embassy.